Halló...ég veit ekki hvar ég á að byrja, en ég var víst búin að lofa að blogga, þannig að here goes nothing.

Í augnablikinu er ég inni í stofu, í Árhúsum, heima hjá turtildúfunum Þóreyju og Vésteini. Ég er búin að líma mig fasta við þau í nokkra daga og ég veit að þau verða guðslifandi fegin að losna við mig á endanum. Ég er ekki búin að segja þeim að ég er komin með íbúð í næstu götu. Ég lenti í Kaupmannahöfn...uuu...um daginn (maður er ekki beint með tímaskynið í lagi...ef það er einhvern tímann í lagi) síðasta föstudag og rölti aðeins um bæinn rétt á meðan lestin þeirra skötuhjúa smeygði sér eyja á milli. Þaðan lá leiðin til Malmö í Svíþjóð (20 mínútur í lest á milli landa, ekki alveg það sem maður á að venjast) þar sem við tékkuðum okkur inn á hótel.

Okkur fannst of langt að fara niður í miðbæ þannig að við fengum leiðbeiningar um hvernig væri hægt að komast á veitingastað/bar nálægt. Konan í afgreiðslunni spurði okkur hvort við værum komin á mótið. Við spurðum einfaldlega hvaða mót, mér datt í hug hvor það væri kannski bjórþambkeppni sem ég gæti sýnt nokkra takta í... En þá sagði hún okkur að það væri verið að keppa í bardagaíþróttum í nágrenninu, JiuJitzu var það víst... Já, við erum greinilega svo mössuð og óhugnanleg, hljótum að vera að taka þátt í þannig, eins og maður er nú líka léttur á fæti... Restinaf köldinu eyddum við í að borða 2ja kílóa hamborgarabuff, drekka bjór og spila jöklamanna, helvíti fínt bara, svo maður leyfi sér að sletta aðeins.

Daginn eftir mættum við Arnóri og Marie úti á götu fyrir algjöra tilviljun. Við fórum svo öll niður í bæ að skoða okkur um í Malmö og reyndar eyddum við öllum deginum í að leita okkur að einhverju gulu til að vera í, því það var víst þemað í partíinu, það var teiti sem við gleymum seint. En ég held ég geti ekki lýst þessari upplifun í orðum, þetta verð ég bara að leggja inn í gleðibankann.

Daginn eftir partíið lögðum við af stað til Smálandanna, heim til Marie og Emils í Kattholti og allra þeirra. Foreldrar hennar eiga heima úti í miðjum skógi og pabbi hennar er skógarhöggsmaður. Það er mjög fallegt þarna i skóginum og í þessum hluta Svíþjóðar. Við fórum í labbitúr og skoðuðum okkur um og sáum slatta af e-i tegund af hjartardýrum, en sáum ekki elginn sem við vorum að bíða eftir, en það kemur bara næst. Ójá, svo sváfum við á drauga-byggðarsafni. Já eða húsi sem var svo gamalt að á eftri hæðinni var allt eins og á byggðarsafni. Við fengum ekki að vita söguna á bakvið húsið daginn eftir guði sé lof. 

 Við komum til Árhúsa á mánudagskvöldið og horfðum á Bruce Willis vera töff. Það er ægilega kósí hérna og allt morandi í íslendingum, get ekki sagt að manni finnist maður vera i útlöndum. Við erum svo að fara til Berlínar á föstudaginn að skoða okkur um og hitta Steffi, sem var að vinna á Hala í fyrrasumar. Það verður stuðstuðstuð. Ætlum alla vega að fara í dýragarð og auðvitað skoða restia af múrnum og maaargt fleira.En núna er komið nóg, bið að heilsa í bili!

Ég hefði nú alveg getað slappað aðeins af þegar ég auglýsti fyrir öllum heiminum að ég væri komin með myspace...þið verðið bara að afsaka hvað ég er ofvirk (nístandi kaldhæðni) í því að kommenta og uppfæra þá æðisgengnu síðu hehe... Vildi ekki hafa bakgrunninn eins og hann er í byrjun þannig að ég henti inn einhverju dæmi sem var með svörtum bakgrunn, ég sá það miklu seinna að það er eitthvað skuggalegt merki á bakvið allt....dæmið og þetta heitir Black Dragon... Töff, eitursvalt.  Nú halda örugglega allir sem skoða þetta að ég sé einhver "goth"-belja eða trukkalessa á Harley að drepast úr stælum og töffaraskap. Svartur dreki. Ojojoj. Út í hvað hef ég komið mér núna... ...en eftir þessa sorgarræðu - ekki halda að ég ætli að laga þetta...óóóneeei.

Já og svo vil ég einnig biðjast innilegrar afsökunar. Í síðustu færslu minni spyr ég eins og fáviti "Eru allir hættir að blogga?" En eftir að hafa sætt ofsóknum sértrúarsafnaða og fíton-bloggara hefur mér verið komið í skilning um að það eru bara ekkert allir hættir að blogga, ég er bara hætt að nenna að skoða þau...

Hefur einhver notað Lonely Planet bækurnar og ef svo er *kellingarleg rödd* hvernig vaaaaar ooooog er til eitthvað annað betra sem maður ætti að kaupa í staðinn?

Er það bara ég eða.........nei það er örugglega bara ég...