...</h1> <article> <h1>...</h1> <p>Sun, 31 May 2009 12:11:31 GMT</p> ... </article> <article> <h1>...</h1> <p>Sun, 31 May 2009 12:03:58 GMT</p> ... </article> <article> <h1>...</h1> <p>Sun, 31 May 2009 12:03:06 GMT</p> ... </article> <article> <h1>...</h1> <p>Sun, 31 May 2009 12:01:41 GMT</p> ... </article> <article> <h1>...</h1> <p>Sun, 31 May 2009 12:01:26 GMT</p> ... </article> <article> <h1>...</h1> <p>Sun, 31 May 2009 12:00:54 GMT</p> ... </article> <article> <h1>Lærdómshesturinn</h1> <p>Mon, 17 Nov 2008 20:17:03 GMT</p> <p>Þarf að gera verkefni. Settist niður áðan á milli 17:30 og 17:53 (Hanna Montana var á mute í töfrakassanum) með kvöldmatinn og kveikti á tölvunni. Opnaði diccionarios.com og ordabok.is sem og skólavefinn, sótti einnig verkefnið til að hafa allt tilbúið í "some serious study time" þegar ég væri búin að troða matnum framan í andlitið á mér. Þar sem ég vildi klára matinn áður en ég lærði ákvað ég að láta Hönnu Montönu fjúka fyrir einn stuttan þátt af Friends... 8|<br /><br />Það stóðst reyndar, s.s. bara einn þáttur, slökkti á dvd spilaranum en rak þá augun í póstinn sem ég fékk áðan. Athugið - póst í umslagi, með póststimpil og læti, það sést ekki svo oft nú til dags. Þar á meðal lá gluggapóstur frá ónefndu bílaskoðunarfyrirtæki sem bauð mér 10% afslátt af skoðun ef ég kæmi fyrir hádegi þar sem að kominn er tími á skoðun þar sem bíllinn minn "er með 10 í endastaf númers" - orðrétt úr bréfinu. Það er alls ekki rétt. Bílnúmerið endar ekki á 10 heldur 70. Af hverju er ekki bara skrifað NÚLL? Hitt bréfið var mun áhugaverðara, eða bréf frá Framhaldsskólanum í Austur-Skaftafellssýslu þar sem ég var beðin um að taka smá könnun á netinu. Ég var með netið opið þannig að hví ekki?<br /><br />Alla vega, til að gera langa sögu stutta þá er ég fyrir löngu búin að borða, meira að segja drekka hálfan lítra af vatni og taka omega3 töflu og kalk, skoða mbl.is, facebook, hlusta á Kastljós með öðru eyranu, blogga, fletta í gegnum e-ð tímarit sem afgreiðslustúlkan í apótekinu tróð ofan pokann að mér forspurðri og hugsa - hugsa um að ryksuga íbúðina - en þá væri ég nú augljóslega að drepa tímann til að sleppa við að gera verkefnið. </p><p>Jú, ég ætla að ryksuga - ég gataði alla vega glósur úr síðasta tíma og setti í möppu. Það verður bara að duga sem lærdómur dagsins. Ég held að innst inni sé ég bara að bíða eftir CSI. Ég veit hvað þið eruð að hugsa, foreldrar mínir hljóta að vera ákaflega stoltir af mér :lol::haha:</p> </article> <article> <h1>Við skulum nú ekki missa okkur í litagleðinni</h1> <p>Sat, 08 Nov 2008 23:12:29 GMT</p> Þá eru þessir blessuðu hálskirtlar foknir og komnir ofan í krukku ofan á sjónvarpið. Þá er bara að bíða eftir að allt grói saman aftur svo maður geti gert eitthvað. Var spurð áðan hvort ég vildi koma á djammið en þar sem ég las fylgiseðilinn fyrir verkjatöflurnar sem ég fékk í skóinn, að forðast skuli samhliða neyslu áfengis vegna hættu á skertri öndunarstarfsemi ákvað ég nú að sleppa því. Ég fíla mig bara ekki nógu vel þegar ég fæ ekki nóg súrefni í heilann, einhver leiðindaávani sem ég hef nælt mér í, þó ég geri mér ekki almennilega grein fyrir því hvenær í ósköpunum það var..<br /><br />Ég hefði þó getað planað þessa aðgerð aðeins betur, hefði kannski átt að hafa samband við sjónvarpsstöðvarnar fyrirfram, þar sem dagskráin er vægast sagt ömurleg að mínu mati. Þá er gott að vera með Friends sér við hlið ásamt fleiru góðmeti, takk ó takk ó takk Edda. Þó reyni ég að spara dvd diskana til þeirra stunda þegar það er ekkert, ekkert í sjónvarpinu. T.d. þar sem ég var sofandi nær allan fimmtudaginn datt mér í hug að horfa á Ghost Ship í gærkvöldi því ég sá ekki fram á að getað sofnað strax. Í staðinn fór ég að skæla úr hræðslu eftir korters áhorf og þurfti að horfa á þrjá Friends þætti til að trappa mig niður. Þess má geta að ég hef séð þessa mynd áður og veit nákvæmlega um hvað hún er. Ég kenni verkjatöflunum um þessar geðshræringar.<br /><br />Til þess að koma því á hreint á veraldarvefnum þá var ég búin að vera voða dugleg í ræktinni fyrir fimmtudaginn en nú verð ég að slappa af í þeim málum í a.m.k. tvær vikur samkvæmt því sem læknirinn sagði. Það er ekki gott. Alveg frábært að bæta á sig nokkrum tonnum á þessum árstíma, "Í kjólinn fyrir jólin" gæti breyst yfir í "Í gáminn fyrir jólin"... <br /><br />Kræst hvað ég þoli ekki Tom Cruise. </article> <article> <h1>Ég get sko talað íslensku blindandi</h1> <p>Sun, 21 Sep 2008 23:19:00 GMT</p> Maður hefur nú oft verið hressari, það get ég svarið. Fór í gær ásamt Fríðu föruneyti á ball á NASA (ekki í geimrannsóknarstofnuninni, heldur Nasinu sem er við Austurvöll). Helgi Bjöss ofurtöffari með meiru tróð upp og tryllti lýðinn. En öllu gamani fylgir alvara og hún hellist stundum yfir mann daginn eftir skemmtilegheitin. Þá er yfirleitt ekki mjög gaman.<br /><br />Var að klára að setja inn myndirnar sem ég tók í New York um daginn, þær er hægt að nálgast hér: <a href="http://www.flickr.com/sigga_bara">http://www.flickr.com/sigga_bara</a>, endilega skoðiði þær, þetta kemur allt inn í vitlausri tímaröð samt þannig að það gæti verið fínt að fletta strax á síðu 2 og byrja þar...<br /><br />Er að byrja í nýrri vinnu á morgun, aftur. Ég hef alltaf haft mikla þörf fyrir fjölbreytni en þetta er kannski aðeins of mikið af því góða að byrja í nýrri vinnu nánast í hverjum mánuði. En sådan er livet víst og maður verður víst að grjóthalda kjafti og taka öllu þegjandi upp í ****gatið. Eða...já, það er reyndar ekki eins og ég hafi ekki ráðið þessu öllu saman sjálf.. :lol:<br /><br />Ég var orðin svo þreytt á því að sjá alltaf sömu færsluna og vildi aðeins breyta þessu útliti á síðunni...en hef ekkert að segja þannig að ég segi bara friður sé með ykkur öllum lesendur góðir og þakkir fyrir lesturinn. Pís át. </article> <article> <h1>Húmar að...</h1> <p>Mon, 18 Aug 2008 18:46:14 GMT</p> Var einhver búinn að taka eftir því að það er að koma vetur? Ekki af því að það er svo kalt (reyndar búið að vera skýjað í höfuðborginni skuggalega lengi, miðað við alla sólina í sumar...) heldur af því að það eru allir að byrja aftur í skólanum eftir sumarfríið.<br /><br />Oh lord.<br /><br />Ég er ekki vetrarmanneskja. Ekki heldur morgunmanneskja. Myndi ekki heldur segja að ég væri mikil já-manneskja, að minnsta kosti ekki upp á síðkastið en það kannski kemur málinu ekki við. Nei. (Sko!)<br /><br />Vegna þessa er ég formlega farin að efast um að ég sé mennsk. <br /><br />Ég meina ég er alla vega ekki manneskja á morgnanna og ekki heldur á veturna...og á köldum vetrarmorgnum - don't get me started.<br /><br />En er þá ekki tími til að rifja upp ljúfsárar minningar frá liðnu sumri? Ég held það nú. Þetta sumar var það fyrsta sem ég upplifði starfandi í höfuðborg Íslands. Fannst mér það áhugavert mjög. Skemmtilegast fannst mér að ég var aðeins að vinna 3ju hverju helgi - og þá voru hinar tvær frífrí í tvítví. Það var gott. Mjög skrítið fyrir manneskju sem hefur eytt öllum sínum vinnandi sumrum í vaktavinnu. Þessar fríhelgar gerðu það að verkum að ég gerði meira - innanlandsferðalaga séð - yfir sumarið, heldur en öll hin sumrin samanlagt. Þar sem ég fór ágætis Evrópurúnt í haust þá var ég ekkert að ómaka mig í utanandsferðunum. Hins vegar rúntaði ég hinn Gullna hring um helgina. Eða "The Golden Circle" - athugið að það hefur ekkert með "Golden Shower" að gera. Reyndar fór ég inn á ansi subbulegt klósett...veit ekki hvort það hafi verið eitthvað sturtupartí hafi verið í gangi þar áður en ég kom þangað. <br /><br />Borgarfjörður Eystri var bara snilld, fórum tvær keyrandi úr bænum á föstudeginum. Stoppuðum í hverju krummaskuðinu á eftir öðru í leit að kæliboxaklökum til að bítta. Það virkaði einhvers staðar á norð-vestur horninu (ekki á Ísafirði samt) og fannst mér það gaman mjög. Reykspóluðum í gegnum Akureyri og tjölduðum á Húsavík en þangað hafði ég aldrei komið áður. Á laugardeginum skoðuðum við Ásbyrgi og Dettifoss í steikjandi hita ásamt því að keyra lengsta malarvegs-kaflann á landinu, nú þegar Öxi er svona líka vel malbikuð. (.......æi sorrí, ég bara VARÐ! :D ) Síðan var búið að slá upp tjaldbúðum Hornfirðinga og nærsveitungamannafólks á tjaldstæðinu á Borgarfirði, blikka löggurnar svo við mættum hafa hátt fram á þriðjudag, girða kirkjugarðinn af svo enginn færi sér nú að voða og bjóða Árna Johnsen að taka eftirpartí. Klárlega ein af skemmtilegustu helgum sem ég hef upplifað lengi.<br /><br />Fór heim um síðustu helgi til að fara á flugeldasýninguna á Jökulsárlóni en ég held að útilegan á föstudeginum hafi svei mér þá staðið upp úr, (sérstaklega hjá mér þar sem ég fór heim í fyrra fallinu á laugardeginum :lol:) Svona óvissuferðir, fjárvagnar og bálkestir eru algjörlega nauðsynlegar fyrir lífsandann. <br /><br />Ég man ekki alveg point-ið í því sem ég byrjaði að skrifa. Ætli ég verði ekki bara að enda á tregafullu ljóði.<br /><br />Komið er að kveldi<br />hvorki yl né ljós<br />finnur undir feldi<br />ef þú tjaldar upp í Kjós (eftir 12. nóvember)<br /><br /><br />Þakka pent. </article> <article> <h1>Obbobbobb!!!</h1> <p>Tue, 01 Jul 2008 21:34:47 GMT</p> Fram á þriðjudagskvöld úoú, fram á þriðjudagskvöld...ömurlegustu sjónvarpskvöld vikunnar... Hvað er þá betra að gera en að gera eitthvað uppbyggilegt, sleppa því að vaska upp og bretta saman naríurnar úr þurrkaranum og BLOGGA í staðinn?? EWÚHÚ!??! :haha:<br /><br />Það er kominn júlí - JÚLÍ gott fólk...tíminn ekkert smá fljótur að líða. Er maður þá orðinn voða gamall eða...? Alla vega fannst mér ekki tíminn svona fljótur að líða fyrir júní og ég á afmæli í byrjun þess mánaðar... 8| Jájá, maður er bara komin með stóru tánna á grafarbakkann! Svei mér þá...<br /><br />Annars er ég nú ágætlega sátt við það sem liðið er af þessu ári, búin að gera ágætlega margt, frá því um síðasta haust...fór í ferðalagið mikla, sem dugir mér vonandi í nokkrar klukkustundir í viðbót...er búin að fara FJÓRUM sinnum í leikhús 8| Í byrjun mars sá ég Norway Today sem var mjög flott sýning með ungu pari að fjalla um sjáfsvíg, Baðstofuna eftir Hugleik Dagsson fór ég svo á í enda mars. Sá síðan Kommúnuna í apríl og í maí fór ég á sýninguna Laddi 6-tugur sem var nú bara snilld eins og gefur að skilja. Svona til að láta það fylgja með þá fór ég frítt á 2 sýningarnar - bara svo fólk haldi ekki að ég sé að missa mig á kreditinu ;) Sömuleiðis á James Blunt sem var aldeilis gaman að sjá, mínir fyrstu tónleikar...ef maður telur ekki Bubba og Megas með múhah...já sérstaklega þegar maður var ofurblekaður að horfa á Megas á Borgarfirði og var að vinna á Bubba tónleikunum...fór með kaffi upp á svið til hans og allt...my five seconds of fame... :lol:<br /><br />Síðan fór ég á ljósmyndanámskeið í maí, en myndavélin mín er í sjúkraleyfi, ég þori ekki að laga hana því ég er hrædd um að lyfin hennar verði of dýr... :evil: Alla vega, námskeiðið var snilld, mæli með ljosmyndari.is :d Já og ég er búin að setja inn nokkur hundruð myndir á <a href="http://www.flickr.com/photos/sigga_bara">http://www.flickr.com/photos/sigga_bara</a> - endilega skoðið :D 17. júní eyddi ég í miðbæ Reykjavíkur í góðum félagsskap, hef aldrei verið í fríi á svona hátíðisdegi þegar allir aðrir eru í fríi, það var aldeilis æðislegt<br /><br />Það var snilldarinnar Klaustursútilega um síðustu helgi...Humarhátíð og 10 ára fermingarafmæli (did someone say OLD???) um næstu helgi...svo eru heilar tvær óplanaðar helgar og svo er það Damien Rice á Borgarfirði eystri helgina fyrir versló 8) Svo mætti lengi telja en þetta er orðin frekar mikil ævisaga hérna oooog ég segi bara...ætla ekki allir á Humarhátíð?? Ef ekki, þá á Borgarfjörð??? Já svo ekki sé minnst á Flugeldasýninguna á Jökulsárlóni???? Oooog hvað á að gera á annan í JÓLUM???!!! <br /><br />8|:haha::d:o:|<br /><br />Neineinei...strikið...strikið...<br /><br />Úff...The Real Housewifes of Orange County...KILL ME NOW!!! :evil: </article> <article> <h1>Nostalgía = Fortíðarþrá og stundum heimþrá</h1> <p>Sun, 27 Apr 2008 12:59:42 GMT</p> <p>Ég var að skoða bloggið hennar Steinunnar Hödd áðan (Steinunn - beygir maður Hödd?) eins og ég hef gert svo oft áður og haft gaman af. Í dag rak ég í rogastans þegar ég sá eina setningu hjá henni og ég tek hana orðrétt af síðunni hennar og vona að það sé nóg að setja hana í gæsalappir og skáletra textann (þó svo ég vilji ekki "væmna hann upp" heldur er þetta eitthvað sem ég lærði í skóla um gerð heimildaritgerðar og vona ég að ég fari eigi með rangt mál) til að öll höfundalög séu virt.<br /><br /><em>"<strong>Ekki </strong>borða McFlurry með daím nema þú viljir deyja"<br /><br /></em>Ég endaði á þvi að skrifa ákaflega hjartnæman pistil í athugasemdirnar við þetta blogg (Já og.. <a href="http://raus.is/steinunn/">http://raus.is/steinunn/</a>) og ákvað að setja hann hér inn. Ég veit ekki hvers vegna ég set þetta hér inn, né hví ég skrifaði þessa romsu á bloggið hjá þessari fyrrverandi skólasystur minni og útskriftarfélaga - en getur maður alltaf útskýrt gjörðir sínar?<br /><br />------------------------------------------<br /><font size="2">Sigga Bára</font> Says: <br /><small class="commentmetadata"><a href="http://l27.0.0.1.is/steinunn/?p=391#comment-10289"><font color="#0066cc">Apríl 27th, 2008 at 12:22</font></a> </small></p><p>*Mæli með að skella klassískri tónlist á fóninn fyrir lesningu þessarar athugasemdar. Ég er ekki frá því að ég þurfi að gráta eftir að hafa skrifað hana.*</p><p>Þegar ég var skiptinemi fór ég oft á sunnudögum með yngri systur minni og fósturpabba í bíltúr til höfuðborgarinnar (í u.þ.b. 30 mínútna akstursfjarlægð) til að kaupa í matinn í risastórri verslun sem seldi matvörur og bókstaflega allt til heimilisins, líka garðsláttuvélar. Vorum við systur eins konar burðardýr og hjálpuðum til við að setja í pokana og þess háttar. Hljómar örugglega mjög óspennandi en þetta var fastur liður í lífi fjölskyldunnar og eftir á að hyggja þykir mér mjög vænt um stundir sem þessar. </p><p>Eftir þessar búðarferðir var síðan hápunktur ferðarinnar. Að minnsta kosti í augum systur minnar og þar sem ég er þannig að guði gerð að ég myndi helst vilja deyja með tóma ísdollu í annarri þá get ég ekki sagst hafa verið pirruð yfir þessum hluta ferðarinnar. Þá fórum við á McDonalds gagngert til þess að kaupa McFlurry með Crunch súkkulaði. Það var nammigott. Á Íslandi er ekki hægt að fá McFlurry með Crunch útí. Það finnst mér að vissu leyti gott vegna þess að ég er með nógu stóran rass fyrir, einnig vegna þess að það var meira stemningin sem skapaðist í bílnum sem gerði allt svona þægilegt og gott frekar en bragðið af ísnum sem var þó unaðslegt svo ekki sé meira sagt. Út af þessu Crunch-vanti hef ég ekki vanið ferðir mína á McDonalds á Íslandi og er ég að vissu leyti þakklát, æðri máttarvöldum eða kannski bara innkaupastjóranum hjá íslenska McDonalds.</p><p>Því spyr ég - algjörlega miður mín eins og kannski sést í augljósri einlægni þessarar athugasemdar/pistils, hvers vegna í ósköpunum má maður ekki borða McFlurry með daim??!!</p><p>=o - gapandi broskall mínus bros plús uppglennt augu.<br /><br />------------------------------------------ Athugasemd endar punktur<br /><br />Til þess að útskýra fyrirsögn þessarar færslu þá flaug mér þetta orð í hug, nostalgía, í morgun þegar ég vaknaði. Ég endaði á því að gúggla* þessu orði (eða þetta orð?) til þess að ganga úr skugga um hvort ég væri að misskilja merkingu þess. Svo var ekki. Enska útskýringu wikipedia.org má finna hér: <a href="http://en.wikipedia.org/wiki/Nostalgia">http://en.wikipedia.org/wiki/Nostalgia</a>. Mér þykir hálfvænt um Wikipediu vegna þess að hún veit alltaf svör við spurningum mínum, sama hversu fáránlegar þær eru. Ætli það sé merki um geðsýki að segjast þykja vænt um hlut, eins og til dæmis alfræðiorðabók á netinu? Eða þarf ég bara að finna mér áhugamál? Ég er viss um að ég geti leitað svara á wikipedia.org, en meira um það síðar. Kannski. <br /><br />Þegar ég skrifaði athugasemdina hér að ofan fylltist ég sem sagt nokkurs konar nostalgíu. Ekki heimþrá samt, en fortíðin ákallaði mig ákaft.<br /><br />Annars fór ég á djammið í gær. Það var gaman. Alltaf gaman að vera í kringum skemmtilegt fólk. Bless. Já og ég vil komment. Takk. Og bless.<br /><br /><br />*gúggla er orð, eða ég held að það sé orð, sagnorð jafnvel, sem í mínum heimi þýðir að slá inn texta í netleitarvélina Google á veraldarvefnum til þess að sjá hvað hefur verið skrifað inn á vefinn í tengslum við þann texta sem maður leitar eftir.</p> </article> <article> <h1>Myndir aftur</h1> <p>Sun, 20 Apr 2008 19:49:55 GMT</p> <p align="justify">Er að hlaða inn myndum á netið úr interrailferðinni eins frægt er orðið (skrifaði það alla vega í síðustu færslu) því miður er bara hægt að setja inn visst mikið magn í hverjum mánuði þannig að það verður smá bið með restina, en ég mun líklega taka myndamaraþonsprettinn eftir mánaðarmótin. <br /><br />Myndirnar koma sjálfkrafa allar inn i vitlausri röð EN ef þið viljið sjá í réttri röð þá er hægt að klikka á "Sets" (með bláum stöfum hægra meginn við litlu myndina á mér, undir "Sigga Bára's photostream" oh mig langar í sodastream tæki) og velja Interrail. Þá eiga myndirnar að vera réttri röð. Reyndar gæti ég stillt þetta á síðunni þannig að þetta sé miklu, miklu einfaldara og augljósara en þá hefði ég ekkert til að skrifa um. Svo er ég að fara að skrá mig á ljósmyndanámskeið hjá ljosmyndari.is i lok maí og hlakka mjög svo mikið til, þá sér maður áreiðanlega allan aðskotann að þessum myndum sem maður er búinn að setja inn á veraldarvefinn, en hverjum er ekki sama! ;)<br /><br /><br /></p><p align="center"><br /><em>Þessi er pínu uppáhalds<br /><br /><br />Ég get vart orða bundist hversu mikið ég hlakka til sumarsins, bara að fá sól og suðræna tónlist, prófa að vera í Reykjavík í fyrsta sinn yfir sumar (sem ég hef nú ekki fengið mikil meðmæli fyrir en hver er sinnar...gleði smiður er það ekki??) og það er bara gaman að prófa nýja hluti. Vera endurnærð eftir skóla-pásu-veturinn (í guðanna bænum próf-fólk, ekki drepa mig, ég hef alveg verið í ykkar sporum og styð ykkur heilshugar ;)), njóta lífsins og búa sig undir næstu vetrarhrið <br /><br /></em><strong>*rífa-nálina-af-vínilplötu-hljóð*</strong><br /><br />Hvenær í andskotanum byrjaði ég að skrifa svona??? Verð að hafa þennan síðasta kafla skáletraðan, en það finnst mér eitt af því væmnasta sem hægt er að gera við texta. Shit hvað ég missti kúlið þarna maður...<br /><br /><strong>PRUMP!</strong></p> </article> <article> <h1>Myndir</h1> <p>Thu, 10 Apr 2008 19:44:28 GMT</p> Vildi koma því á framfæri að ég er búin að setja inn nokkrar myndir inn á flickr-síðu sem ég gerði um daginn. Bjó ég hana til í þeim tilgangi að setja myndir, sem ég tók í Interrailferð í haust, á netið öðrum til dægrastyttingar og vonandi yndisauka... Verð þó að taka fram að þær eru alls ekki komnar allar, ætla að örfáar frá hverjum stað, er að vinna í því. ;) Allavega, þær eru hér: <a href="http://www.flickr.com/photos/sigga_bara/">http://www.flickr.com/photos/sigga_bara/</a> <br /><br />Ég ætla að reyna að setja ferðasöguna þar inn í leiðinni...hægt og bítandi. Síðan er stefnan bara tekin á ljósmyndanámskeið seinna í vor eða <em>snemmsumars</em>, redda sér photoshop og bara missa sig með myndavélina! :D Myndirnar koma í öfugri röð, nýjustu fremst og svo framvegis...<br /><br /><p align="center"><br /><em><font size="2">Tók þessa í Århus, þessi dýr eru svoo fyndin :haha:</font></em></p> </article> <article> <h1>Baðstofan - fjórar og hálf ;)</h1> <p>Sun, 30 Mar 2008 00:12:42 GMT</p> <p align="justify">Já alveg rétt, ég missti mig á blogginu um daginn, þorði reyndar ekki að birta færsluna og var að sjá hana aftur núna. En hér kemur ritskoðað brot af henni...ekkert vera að búast við einhverjum djúsí þjóðfélagsádeilum, hárbeittum skoðunum né grófum myndum af íslenskum alþingismönnum á bak við Bæjarins bestu samt...<br /><br />"Hvað í andskotanum er málið?!! Það er allt gjörsamlega að fara til fjandans, evran komin upp í hundrað og átjánkjeell sem er brjálæði, miðað við að þegar ég var úti (okt-nóv '07) þá lafði hún í 85 krónum. Heppni hjá sumum, óheppni hjá öðrum...truflar mig samt ekkert í augnablikinu en vildi bara koma þessu á framfæri.<br /><br /> Ég er svoldið svekkt yfir því að það er búið a sjálfkrafa tengja þetta blogg yfir á Vísi þar sem ég er emmbéellari og les ekki visir.is... En á mbl.is um daginn var einmitt mjög svo ærandi frétt um einhvern pastakall með hrokann uppi í 27 vindstigum: <br /><br /><a href="http://www.mbl.is/mm/folk/frettir/2008/03/14/gifstu_milljonamaeringi_segir_berlusconi/">http://www.mbl.is/mm/folk/frettir/2008/03/14/gifstu_milljonamaeringi_segir_berlusconi/</a><br /><br />Þessi dúddi er svo yfir sig ríkur að auðvitað er hann baaara leiður á því að eitthvað "lágstéttafólk" er að "væla" yfir því að það geti ekki borgað allt sem það þarf vegna þess að það er ekki hægt að fá fasta atvinnu. Sömuleiðis - ekki tengt þessari frétt - eru Spánverjar orðnir gráhærðir þegar þeir ná að flytja úr foreldrahúsum þar sem er svo erfitt fyrir ungt ómenntað fólk að fá vinnu. <br /><br />Á Íslandi eru krakkar að hætta í framhaldsskóla til að vinna til að eiga fyrir öllum merkjavörunum sem þarf að eiga til að vera 'inn'. Og það er sko ekkert smá fyrirtæki, það að kaupa sér gallabuxur á 20 þúsund kjeeell (= 8 klst vinnudagur með 2.500 kall á tímann fyrir skatt) er bara eitthvað sem ég get ekki ímyndað mér. Fyrir utan það að ég geng ekki í gallabuxum. En að er ekki eingöngu verðinu að kenna."<br /><br /></p><p align="center"></p><p align="justify"><br />Svo mörg og gáfuleg voru þau orð. Annars fór ég í leikhús í kvöld, fríkeypis svo að fólk fari ekki að halda að ég geti spreðað í leikhús í hverri viku - takk fyrir mig ;) sáum Baðstofuna eftir Hugleik Dagsson og skemmti ég mér eins og konungsfjölskyldan. Algjör snilld hvernig tónlist, hljóð, ljós, reykvél (sem var ofvirk að ég held) og frábærir leikarar með góðri leikstjórn smella saman í svona verki, maður kemst í annan heim í leikhúsi, ég gjörsamlega dýrka það! Fær gæsahúð, tár í augun og hláturskrampa, allt á innan við 2 klukkustundum og lifir sig svo inn í hlutina að maður er smá stund að kippa sér inn í raunveruleikann þegar ljósin kvikna. Sá líka Norway-today um daginn sem var snilld, farandsýning, ef hún farandast einhversstaðar hjá ÞÉR lesandi góður þá mæli ég með henni. Alvarlegt umfjöllunarefni en skemmtilega skrifað.<br /><br />Alla vega. Ég er farin að...já gera ekki neitt, kannski bretta saman sokkum, það er álíka gaman á laugardagskvöldi og að fara niður í bæ. Úff.. Langar á Kommúnuna áður en þau fara að sýna i Mexíkó. Síðustu sýningar verða núna 3. og 4. apríl og hver fer að verða síðastur að panta með mér miða...(plís EINHVER!!) 8| </p> </article> </main></body></html>